Artolak izterreko lesioa gainditu du, eta 4 1/2 Eusko Label Txapelketa jokatuko du

2024-10-11

Iñaki Artolak ondo bukatu du gaur goizean Lekunberriko Jaian Jai pilotalekuan egindako proba, eta igandean Ezkurdiaren aurka jokatuko du 4 1/2 Eusko Label Txapelketako final-zortzirenetan.

Iñaki Artola eskuin izterrean zuen lesiotik osatu da, eta igandean Lekunberriko Jaian Jai pilotalekuan izango da, Ezkurdiaren aurka 4 1/2 Eusko Label Txapelketako final-zortzirenetako kanporaketa jokatzeko.

Alegiako aurrelariak ordubete inguruko proba egin du gaur goizean Lekunberriko Jaian Jai pilotalekuan, eta proba amaitu ondoren gustora eta prest agertu da igandean jokatzeko.

Iñaki Artolak min hartu zuen eskuin izterreko barrualdean pasa den irailaren 27an, Logroñoko Adarragan, Salaverri II.arekin batera Zabala-Zabaletaren aurka jokatzen ari zenean San Mateo Torneoan. Lesioa gaindituta, Artola prest dago 4 1/2 Eusko Label Txapelketa jokatzeko.