Atano III.eko txapeldunak, omenduta 50. urteurrenean

2019-03-22

50. urteaurrena dela eta, omendaldi berezi bat egin zieten, historian zehar Donostiako frontoian eskuz banakako txapela eskuratu zuten pilotariei.
Bertan,  Atano X.a, Begoetxea III.a, Galarza III.a, Arretxe, Beloki, Patxi Ruiz, Bengoetxea VI.a, Olaizola II.a, Mtz. de Irujo, Barriola, eta Azkarate zein Lajosen senitartekoak egon ziren.
Aurresku bat eskaini zieten, plaka bat ipini zuten baita bakoitzari txapel bat eman ere.
Luziano Juaristik, Atano X.a, Atano III,aren iloba, ohorezko sakea egin zuen.

Partida nagusian, Olaizola II.a eta Albisu erraz (22-12) menderatu zituzten Mtz. de Irujo eta Zabaleta, Olaizola II.a jaun eta jabe izan zen eta 11 tanto gauzatzeaz gain, huts bakar bat egin zuen. Bi atzelarien lehia ikusgarria izan zen.

Omenaldiaren argazkiak tamaino handiagoan ikusteko, sakatu hemen.