BENGOETXEA VI.AREN KASTAK TXAPELDUNA GARAITU DU

2019-03-22

Eibarko Astelena pilotalekuan eskuz banakako txapelketako ustegaberik handiena suertatu da Bengoetxea VI.ak egun txapelduna den Olaizola II.a 12-22 garaitu du eta. Gauzak honela Leitzako pilotariak lehenengo aldiz finalerdietan jokatuko du eta ez nolanahiko aurkariaren kontra, Asier Olaizolaren kontra, Aimar Olaizolaren anaia hain zuzen ere.

Bengoetxea VI.ak piloteoan ezer irabazterik ez zuela jakinda, airez jokatu du – zazpi tantu lortu du horrela- sake bueltaren bila eta ausarta erabat. Dejadak eta hormabikoak ere bota ditu Oinatzek.
Olaizola II.ak hasiera erosoa euki du baina aurkariak sakeaz jabe egin orduko bere kontrako tantuak hartzen hasi da eta ezer egin ezean aritu da presioak jota. Gainera aukera garbiak izan dituenean ez du asmatu.