BERASALUZE VIII VS. OLAIZOLA II, UDAKO LEHIA DISDIRATSUA

2019-03-22

Pablo Berasaluze eta Aimar Olaizola elkarren kontrako partiduak maiz jokatzen ari dira uda honetan. Berrizko pilotariak aspaldian berreskuratu ditu debuta egin zuenetik dauzkan dohainak eta Olaizola II.a handiari aurre egiteko gai dela erakutsi du.

Uztailaren 1etik abuztuaren 13rarte oreka izan da nagusi beren zenbakiak alderatuta eta garaipen bat gehiago du aurrelari bizkaitarrak. Bederatzi partidu jokatu dituzte eta horietatik 5 izan dira Pabloren alde Aimarrek lau lortu dituen bitartean. Berasaluze VIII.ak 174 tanto sartu dizkio bere aurkariari eta honek 165 patrikaratu ditu.

Berriztarrarentzako garaipen gustagarriena San Fermin torneoko finalean gertatu zen. Bertan Begino lagun zuela, 22-11 irabazi zieten Olaizola II.ari eta Zearrari.