2021eko martxoaren 30a
Jardunaldi bat falta da EPEL 2021eko Binakako Txapelketako sailkapen liga amaitzeko, eta zenbait bikoteren arteko berdinketak gerta daitezkeenez, jarraian azaltzen dena adierazten da.
Aipatutako lehiaketaren erregelamenduaren 1.1.1.3 puntuaren arabera, puntuekiko berdinketa bi bikote baino gehiagoren artekoa (hiru, lau, etab.) bada, posizio hobea izango du, hurrenez hurren:
a) berdindutako bikoteen artean jokatutako partidetan, puntu gehien dituen bikoteak.
b) berdinketak jarraitzen badu, koefiziente onena duen bikoteak (aldeko tantoak ken kontrako tantoak) berdindutako bikoteen artean jokatutako partidetan.
c) berdinketak jarraitzen badu, koefiziente onena duen bikoteak (aldeko tantoak ken kontrako tantoak) fase horretan jokatutako partida guztietan.
d) hala ere, berdinketak jarraitzen badu, tanto gutxien lortu zuen galdutako partiduan tanto gehien lortu zuen bikoteak eta berdinketak jarraitzen badu, tantu gutxien lortutako hurrengo galdutako partiduan, eta horrela hurrenez hurren.
Hau da, bi bikote baino gehiagoren artean berdinketa gertatzen denean, sailkapen partzial bat egingo da berdinduta dauden bikoteen artean jokatutako partidekin bakarrik (berdinduta dauden bikoteak) eta:
1.- Sailkapen partzial horretan puntu gehien dituen bikoteak beteko du posturik onena.
2.- 1. irizpidea aplikatu ondoren, bi bikotek edo gehiagok puntu kopuru bera badute sailkapen partzialean, sailkapen partzialean tanto koefiziente hobea (aldeko tantoak ken kontrako tantoak) duen bikoteak beteko du posturik onena (berdinketari eusten diotenen artean).
3.- 2. irizpidea aplikatu ondoren, bi bikotek edo gehiagok koefiziente bera badute sailkapen partzialean, 14 jardunaldiekin egindako sailkapen orokorrean guztizko koefiziente onena (aldeko tantoak ken kontrako tantoak) duen bikotea izango da posturik onena beteko dueña (berdinketari eusten diotenen artean).
Beraz, bi bikote baino gehiagoren artean berdinketa gertatzen denean, ez da inola ere aplikatuko berdinduta dauden bi bikotek jokatu dituzten bi partidetatik ateratako irizpiderik, ezta beraien arteko berdinketa bakarrik emango balitz ere.