ERREMATE FESTA BARAÑAINEN

2019-03-22

Egungo eskuz banakako txapelduna, Olaizola II.a eta Bengoetxea VI.ak Barañaingo Julian Retegi pilotalekuan jokatu duten partidak harri eta zur utzi du bildu den jendetza.
Neurketa aurrelariek egin duten jokaldi paregabeaz josita suertatu da eta gainera atzelariek ere partida ederra burutu dute.
Olaizola II.ak 11 tantu lortu ditu jokuan, batez ere gantxuak, publikoa altzarari dutenak hain zuzen ere.
Bengoetxea VI.a ez da atzean geratu eta arma berberaz eraso egin dio txapeldunari. Berak margotu du partiduko tanturik ederrena 20-18 markagailuan zela; berak botatako gantxu zoragarria Aimarrek txokoan dejada batez erantzun du baina Oinatzek beste gantxu zabalean gauzatu du -hau bai erabatekoa- eta tantua bere alde etorri da.

Begino bikain ibili da ia partidua osoan zehar, azken tantuetan huts batzu egin arren.
Zearrak joku ezinhobea eskaintzen darrai. Huts bat ere ez du egin eta azkenaldiko goi mailari eutsi dio.