OLAETXEA ETA ALBISUK BBK PROMOZIO BINAKAKO TXAPELDUNAK IZENDATU DITUZTE BEREN BURUAK

2019-05-09

Asegarcekoak diren Mikel Olaetxeak eta Jon Ander Albisuk BBK Binakako Promozio txapeldunak izendatu dituzte beren buruak gaur Tolosako Beotibar pilotalekuan Gorka eta Merino I.a 22-16 menderatu ostean. Finalak aparteko giroa eduki du, izan ere lau pilotarien zale mordo bat etorri da frontoi gipuzkoarrera.
Partiduko protagonista Olaetxea izan da. Lizartzako aurrelariak 14 tantu gauzatu ditu horietatik 6 gantxoz, pilotazaleak beren eserlekuetatik altzarazi dituztenak hain zuzen ere. Gorriek hasiera bikaina egin dute 6-0 markadorean jarriz baina urdinek apurka apurka murriztu dute aldea eta 9-5 eta 14-13 ere lortu dute.
Hala eta guztiz ere, Mikelek zein Jon Anderrek ez dute martxa moteldu eta azken txanpan Olaetxeak egindako tantuak eta Gorkaren hutsek txapelak eman arazi dizkiote Asegarceko pilotariei.