OLAIZOLA II.AK ETA BEROIZEK BEREN HIRUGARREN PUNTUA LORTU DUTE

2019-03-22

Olaizola II.ak eta Beroizek Euskadi Goza ezazu Binakako Txapelketako ligako beren hirugarren puntua eskuratu dute gaur Bizkaia frontoian Titin III.a eta Merino II.aren aurka jokatu duten partiduan 15-22 menderatuta.

Errematez jositako partidua izan da eta bildu diren 1.000 pilotazaleek disfrutatu dute.
15-16 markadorea zela, oreka izan da nagusi Titin III.aren erremate ederrei esker, baina ondoren Olaizola II.ak bostgarren martxa sartu du eta 22rarte joan dira urdinak.

Albisuren erakustaldia Tolosan

Berasaluze VIII.ak eta Albisuk Xala eta Laskuraini 9-22 irabazi diete Tolosako Beotibar pilotalekuan, Albisuk egin duen erakustaldiko partiduan.
Ataungo atzelariak zartako ikaragarriak eman ditu Laskuraini partidu osoan zehar bizkarra emanez eta Xalari airea kenduz.