OLAIZOLA II.AK “FABORITOA?, PARTIDUAK JOKATU BEHAR DIRA”

2019-03-22

Olaizola II.ak eta Merino II.ak bat egin dute eguerdian Iruñeko Labrit pilotalekuan datorren larunbatean jokatuko duten EPELen Eskuz Banakako Txapelketako partidurako pilotak aukeratzeko.

Behin bakoitzak bere gustoko materiala bereiztuta, Olaizola II.a kazetarien aurrean azaldu da eta honako adierazpen hauek egin ditu:

-Olaizola II.ak
“Bi entrenamendi egin ditut eta ez dut beste aurrekoetan bezala nire burua ikusi. Kontutan eduki behar da ezberdina dela lau t´erditik aurrera jokatzea kantxa osoan baino. Buruz burukoan distantziaren aldaketa oso nabaria da eta gainera mugimendu bortitzak izaten dira.
Entrenamenduetan baino partiduan sentsatzio hobeagoekin izango ditudalakoan nago, txispaz eta konfidantza handiagoz.
Faborito izana ateratzeari buruz, nik beti gauza bera diot; partiduak jokatu behar dira eta denok daukagu irabazteko parada.
Berak ondo jokatu zuen Albisuren aurka eta gainera txapelketako neurketetan lasai ateratzen da kantxara. Bi esku onak ditu eta buruz buru ongi ikusi dut”.

Olaizola II.a: 104,3 eta 105,5 g.
Merino II.a: 103,4 eta 103,8 g.