PAREKOTASUNA ORAIN ARTE

2019-03-22

Zenbakiei begiratuta pronostikoek aurreratzen dutena baino neurketa askoz ere zabalagoa azaltzen zaigu Zearra eta Olaizola II.ak jokatuko dutena.
Eskuz banakako txapelketan bi pilotariek antzeko ibilbidea dute eginda: Zearrak 12 aldiz eta Olaizola II.k 15. Garaipenen atalean ere berdintasuna agerian da: ehuneko 58,3a bizkaitarrak eta 53,3a nafarrak, honen kasuan 2004 urtean Eugi gaixorik zegoelako jokatu ez zen partidua kanpoan utzita.
Beraien arteko lehiak ikusita erdibana dabiltza. Oierrek 2000 urtean Arrasateko Uarkape pilotalekuan 2 tantutan utzi zuen goizuetarra eta honek 2004 urtean hartu zuen mendekua Eibarko Astelenan 22 eta 9 irabaziz.

Datorren igandeko norgehiagokaren aurrean adituak Olaizolaren alde jarri dira nabarmenki 100-30 porzentaia azalduz. Egun horretan apurtuko da bi pilotarien artean dagoen elkarrenartekoen oreka.