PEÑAGARIKANOK XALA MENPERATU DU ETA LAURDENETAN DA JADA

2019-03-22

Kepa Peñagarikanok 13 eta 22 emaitzaz menperatu du Xala Bergarako pilotalekuan jokatutako EPELen Eskuz Banakako txapelketako final-zortzirenetako partiduan eta final-laurdenetarako txartela eskuratu du.
Azpeitiarrak banaka ederki jokatzen badakiela argi erakutsi du gaurko norgehiagokan eta partida gauzatu aurretik bera baino aurkari hobeagotzat ematen zuenak ezer gutxi egin ahal izan du Kepak kantxan jarri duen joku azkarra eta estrategia ezin hobearen aurrean.
Peñak oso ondo sakatu du eta hau pairatzeko Xala aurreratzen saiatu da airez erantzuteko baina aurkariak sake motzak eta gurutzatuak tartekatu ditu Aspekoaren arma ezabatuz.
Piloteoan ere oso azkar ihardu du Azpeitiako gaztetzarrak bere eskuinkadak ezker hormara bidali baititu.
Peñagarikanok Mtez. de Irujoren kontra jokatuko du final-laurdenetan.