SANFERMINETAKO LAU ETA ERDIKO TORNEOAREKIN IKUSKIZUNA ETORRI DA

2019-03-22

Bengoetxea VI.a Olaizola II.aren arerioa izango da datorren larunbatean Iruñean jokatuko den finalaurrekoan gaurko Zarauzko partiduan Patxi Ruiz 20 eta 22 mendean hartu ostean. Neurketa ederra izan da zalantzarik gabe eta batez ere bigarren zatian hortxe bi pilotariak jo eta su ibili baitira distantzia motzean pilota emanez eta opari gutxi eginez.

Lehenengo partiduan Unanue onena izan da. Erremate asko egin ditu eta ez dio jokaldi bat ere barkatu Olaizola II.ari. Honek debuta egin duen Oteizari sakeak kendu nahian boleaz sartu da sarritan eta jokaldi honetan Unanuek hil ala bizi erantzun dio goizuetarrari. Oteiza ondo hasi da baina erditik aurrera partiduaren garrantziaren eraginez urdurik jartzen hasi da eta ez du bere maila eman.

Hirugarren partiduan Argotek oso partida ona jokatu du. Getariarrak ederto astindu du pilotaz eskumaz.