SOTAMANOZ JO TA KE

2019-03-22

Olaizola I.ak bere lehen puntua lortu du Eskuz Banakako Txapelketako finalaurdenetako ligaxkan Bengoetxea VI.a 22-20 irabazi ondoren Labrit pilotalekuan jokaturiko partiduan.

Norgehiagoka gogorra eta erritmo handikoa suertatu da , izan ere, 314 pilotakada eman dituzte bi pilotariek eta neurketa boladaka mugituz.

Olaizola I.aren jo bikainak eta dejadek 8-1 jarri dute markadorean Bengoetxea VI.a partiduan sartu ezinik zela. Ondoren borroka orekatzen hasi da eta bi pilotariek elkarren aurkako erasoaldiei ekin diete goi mailako jokoa erakutsiz.
Pegadaz, sotamanoz eta makina bat dejada gauzatu dute biok banakako txapelketako partidu bikain batetan.
Partidua amaituta, Oinatz kexu da une erabakigarrietan berak egindako hutsez.