Zubizarreta III.a Lau t’erdiko txapelketan izango da Bakaikoa garaitu ondoren (14-22)



2020-11-28

Aurten debuta egin duen Iraitz Zubizarretak, datorren astebukaeran hasiko den Lau t’erdiko txapelketan parte hartuko du Bergarako aurrekanporaketan Bakaikoa mendean hartu eta gero.
Ataundarrak sendo ekin dio partidari (00-04, 04-11) eta hasierako abantaila horri esker lasaiago egin dio aurre norgehiagokari. Lau tanto egin dizkio sakez Zubizarreta III.ak Bakaikoari eta guztira 18 tanto bukatu ditu.

Azkenean, garaipena eta honekin batera Lau t’erdiko txapelketan parte hartzeko aukera ataundarrarentzat.

Bigarren partidan Ezkurdiak-Martijak 22-16 irabazi dute Artola-Imazen aurka.

Emaitza: Bakaikoa 14-22 Zubizarreta III
Partidaren iraupena: 48 minutu
Pilotakadak: 272
Berdinketak: 4-4
Gorriz (Bakaikoa): 7 tanto egin ditu eta 4 galdu
Urdinez (Zubizarreta III): 18 tanto egin ditu eta 7 galdu
Bigarren partida: Ezkurdia-Martija 22-16 Artola-Imaz