BI PUNTO BESTERIK EZ ZIREN BEHAR

2019-03-22

Ez da posible izan eta bi tantugatik Bengoetxea VI.a eta (Albisu/ Patxi Ruiz) Euskadi Goza ezazu Binakako Txapelketako finalerdietatik at geratu dira gaur Eibarren Xala eta Barriolaren kontra gutxienez 10 tanto egin ez egiteagatik, 22-8 galdu baitute urdinek.

Presio ikaragarrizko partidua zen Asegarceko bikotearentzat, izan ere 10 tanto horiek lortzea ezinbestekoa zen txapelketako hurrengo fasean sartzeko baina bi pilotariek urduritasun itzelaz jokatu behar izan dute.
Nahiz eta hasiera huts batzuk egin Ataungo atzelariak partidu on bat egin du erdialdetik aurrera ederki eman bai dio pilotari eta Barriolarekin parez pare aritu da.

Bengoetxea VI.ak Jon Anderri laguntzeaz gain arriskatu behar izan du baina frontisetik urrun erasotzen jardun behar izan du eta min gutxi egin dio Xalari. Honek ez du inolako gupidarik eduki. Joko aparta erakusten ari da azkenaldian Lekuineko pilotaria.

Barriola bere mailan aritu da, hots, seguru, kantxan ibili eta beti bere lagunaren bizkarra zainduz.
Emaitza honekin Mtz. de Irujo eta Merino II.a finalaurrekoetan jokatuko dute.