RETEGI II.AK LAU ETA ERDIKO TXAPELA ESKURATZEN DU TITIN III.AREN KONTRAKO FINAL HISTORIKO BATETAN

2012-01-31

Julian Retegi Lau eta Erdiko txapeldun berria zen txapelketako partidurik handienean Titin III.a 22-21 irabazita. Gasteizko Ogeta pilotalekuan jokatutako finala benetan hunkigarria izan zen.

Aurreneko tantua sakez eta hurrengo biak dejadaz lortu zituen erasundarrak baina errioxarrak ederki mugitu zuen Retegi, bai airez baita defentsaz ere horrela zazpi tantu segidan egin eta 3-0tik 3-7ra igaroz. Handik aurrera uneoro atzetik joan zen Retegi II.a markagailuan 17-21-era iritsi arte. Hortxe hasi zen inork gutxik espero ez zuena, nafarraren erreakzioa alegia.
Titin nekea nabarmentzen hasi zen eta Retegik arriskatzen hasi behar izan zuen arren dena ondo atera zitzaion.
Titin azkeneko bultzakada emateko ez zen gai izan eta Retegik txapela lortzeko behar zituen bost tantuak, bata bestearen atzetik lortu zituen.

Lehia bukatzerakoan bost minutu luzez egon ziren Gasteizko Ogetako harmailak bi pilotariak txalotzen.
Lau t’erdiko finala 68 minutu eta 355 pilotakada iraindu zen.