Gaur Zallan eta Idiazabalen larunbatean jokatuko diren Euskadi Goza ezazu Binakako partiduetarako pilota aukeraketak izan dira.
Bizkaiko herrian Berasaluze VIII.a-Apraizek eta Olaizola II.a-Beginok saskia miatzen jardun dute eta hartutako pilota sortekin gustora geratu dira.
Partiduari begira zera esan du Aritz Beginok: » Apraiz joko handiz dabil, pilotari abiadura ematen dio eta ezker hormatik ondo defendatzen du bere burua.
Gainera Pablok erakutsi du forma ezin hobean dagoela eta aurrekaldean pilotarik harrapatzen badu asmatu egiten ari da.
Berasaluze VIII.a-Apraiz: 105,7, 106,9 eta 105,7 gramo.
Olaizola II.a-Begino: 105,2, 105,6 eta 105,8 gramo.
Idiazabalen Olaizola I.a-Beloki eta Bengoetxea VI.a-Patxi Ruiz egon dira pilotak bereizten inolako arazorik egon ez delarik.
«Beraiek puntu beharrean daude gu bezala. Hil ala bizi irtengo gara» esan du Asierrek hautaketa bukatu ondoren.
Olaizola I.a-Beloki: 105,8, 106,1 eta 105,7 gramo.
Bengoetxea VI.a-Patxi ruiz: 106,8, 106,6 eta 106,1 gramo.
Urrutikoetxeak ez du jokatuko
Urrutikoetxeak duen eskuko mina dela eta, ez du larunbatean Idiazabalen jokatzerik izango. Bere ordez Diaz lehiatuko da.