LEIZA : «ASIERREN EZKERRA BILATZEARI EKINGO DEUTSOT»

22/03/2019

Bariku honetan Loiun Lau eta Erdiko txapelketan estraineko konpromezua dauka Iñigo Leizak Berasaluze IX.aren kontra . Arratiarra lan da lan dabil azkenaldiotan; bart Sorian jokatu zuen eta gaur goizean Loiuko pilotalekuan pilota aukeraketa egin behar. Beraren ustez geldialdirik ez dago eta horrek bere eragina euki dezake «Hemen ez dago atseden hartzerik. Lan gogorra da hau, je, je.»

Kanporaketari begira zera dio lemoarrak » Partidua gatza izango da. Berak sake iztela deko baina nik ere min egin dezaket sakeagaz eta bere puntu ahula ezkerra izan daiteke. Berak sakea ez hartzen saiatuko naiz eta joku luze eta ezkerra bilatzeari ekingo deutsot».

Gaurko aukeraketan antzeko pilotak hartu dituzte, bizi xamarrak, Loiuko pilotalekuko zorua nahiko latza da eta.
Leiza: 105,5-103,4 gramo.
Berasaluze IX: 103-103,7 gramo.