Pablo Berasaluze eta Jon Ander Albisu, Mtz. de Irujo eta Barriola, Labriten egon dira goizean, larunbateko oso garrantzitsua den partidarako pilotak aukeratzen. Euskadi Goza ezazu EPELen Binakako Txapelketaren Finalaurdenetako azken partida da, eta urdinek sailkapenean sartu nahi baldin badute, ezinbestekoa dute irabaztea.
Aukeraketa bukatu ondoren, pilotariak kazetarien aurrean azaldu dira eta atxikita dauden bideoetan, Berasaluze VIII.aren adierazpenak entzun daitezke.
Berasaluze VIII.a-Albisu: 105,4-105,7-105,5 g.
Mtz. de Irujo-Barriola: 105,2-104,6-105 g.
Beroiz, eskuetako minarekin
Mikel Beroizek ez du ostiral honetan Urretxun jokatuko, eskuin eskua minduta duelako. Bere ordez Mendizabal II.a lehiatuko da.
Iñigo Simonek, Asegarceko kirol medikua, dagokion txostena luzatu du.
«Presenta tumefacción y hematoma en palma de mano derecha a nivel de 3º y 4º metacarpianos. Dolor a palpación y golpeo de pelota. Diagnosticado de mal de manos derecha. Debe mantener reposo deportivo durante 7 -10 días. Inicia tratamiento de fisioterapia. Causa baja deportiva para el partido del próximo fin de semana».
Urretxun ere, pilota aukeraketa egin da eta hauek dira beraren protagonistek hautatu dituzte pilota sortak:
Olaizola II.a-Mendizabal II.a: 105,5-105,5-104,2 g.
Aritz Lasa-Peñagarikano: 106,5-105,4-105,2 g.
Olaizola II.a eta Berasaluze VIII.arekiko bideotxata
Bihar, osteguna, 19:00etatik aurrera, Bizkaia pilotalekuan, Aimar Olaizolak eta Pablo Berasaluzek, gazteek interneten bidez egindako galdereei erantzungo diete zuzenean, Bizkaiko Foru Aldundiko www.gaztebizz.com portalean dagoen telebistaren bitartez. Frontoian bertan, 50 inguru gazte egongo dira eta eurek ere, itaunak egiteko parada izango dute.